5. Ikaw ang aking lihim
Walang pangalan, walang uri

Kandadong may susing
Tinapon ko sa bangin

Saliksikin man
Di kayang hanapin

Kalawanging susi sa paanan ng bangin
Isang araw, may pupulot din

Pagtatakhan kung sino'ng nagmay-ari
At kung pulubi ba siya o hari

Pagdating ng araw, wala na itong awit
Sa tinagal ng panahon, ako't ikaw rin

Kayraming lihim na dinala sa libingan
Kayraming langit na walang pintuan