11. Taglibog

Mahapdi ang sikat ng araw

Nakamamanhid ang liwanag ng buwan

Umaambon nga kung minsan

Pero malayo ang malamig na ulan

Kayrami ng nais kong parausan

Mga mukha't hinuhubdang katawan

Mga barahang paulit-ulit binabalasa

Hanggang mapili ko ang iilan

Binubulungan ko kayo sa isipan

Ng mga salitang walang kahihiyan

Tangan ko kayo tungong sukdulan

Nanginginig ang ating kalamnan 

At bukas, sasabog ang mga bulkan

Lilindol, mayayanig ang lupa

Ang mga dagat ay raragasa

Walang makatatanda ng ating mga ngalan

May mga panahon nga ng libog at kabanalan

Mayamungmong na pagsibol at pagkatigang

Pagsira rin, pagkatapos, paglikha

Kamatayan, buhay, kamatayan